صمتي عذاب وصمت غيري تأمل

[center]

[size=25]صمتي عذاب وصمت غيري تأمل
[center]واللي تأمل في عذابــي ترى شوق
اشتاق للي فيه اشياء تكمل
منها حلاة الروح مع منبع الذوق

أنثى لها في مخمل الحرف معمل
تبكي الشفايف في سطر حبر منطوق

وتهلهل مابين سطر تحمَل
حبر الكلام وعانقه شي مسبوق

وتعانق احساسٍ بها كان يحمل
من المعاني الساميه شي مدفوق

انفاس من بين الحناجر تعلل
تشهق وتزفر من وسط صدر مخنوق

فيها الوريد احساس وشريانه اجمل
لوحة ملامح مابها شي مبيوق

يبكي فرح ماهو بضيق وتملل
وتكفيني الذكرى مع دمعة الموق

نشوة فرح تنتابني لحظة تطل
ويرسم ملامح فرحتي شخص مفهوق

ضيء تسلل وسط قلبي تسلل
من شمعتكـ ياشوقنا ذاب محروق

يقرا وسط سطر الغرام المعدل
عنوان ناقص كمله شي من فوق

بحر الحزن جرحي وصمتي تأمل
والواقع ارحم لو نظر نظرة الشوق

[/center]
[/size][/center]