يابنت ياللي لك غلا وأتغلين

#poem_4c0c2f01dbcba td {
font-family: tahoma, verdana, arial, helvetica, sans-serif;
font-size: large;
font-weight: bold;
}

يابنت ياللي لك غلا وأتغلين
	خلاص كافي بنهي اللي بدينا
خمس اسنوات وفي محبتك ماشين
	وأتفه سبب نساك مالك عطينا
ياما على شانك سكتنا وراضين
	ندمح خطاك وكننا مادرينا
وياما على شانك وفينا وتدرين
	إن الوفاء منا ولاقد نسينا
ياما وياما لو نعدد ملايين
	ماتنتهي زلاتك اللي تجينا
وهاذي جزاة اللي يحبك من اسنين
	هذا جزا ماقدمت لك يدينا
هذا وفاك اللي وفيته معي زين
	أبدعت يالوافي ومنك أكتفينا
وعلمتني وأفهمتني معك شيئين
	عساك تفهم ربع مالك علينا
إن المحبه لو بقت معك عامين
	ماشفت مخلوقاً عرف وش سلينا
وإن الغلا لاصار ماهو من اثنين
	يلحق شقاه وقسوته في حدينا
وأنا تعبت ولا انتظر منك تعطين
	خلي دموعك تنهي اللي بدينا