شعر ماضل صبر

موضوع: شعر ماضل صبر الثلاثاء يونيو 08, 2010 5:21 am

السلام عليكم

حبيت اشارك وياكم بقصيدة تحجي على قصه
بانه في زمن قديم وحده جانت تحب واحد بزمن كان الحب ممنوع فمكالت
لاحد غير لاثنين من صديقاتها
طبعا السر طلع ..
ووصل الخبر لامها .. امها راحت لاهل لولد وكلتلهم البنيه عدها ولد عم ومنريد تصير
دم فاحسن حل
انتو تشيلون لديرة واحنه نشيل لديرة
وفعلا صار هذا الشي .. ورة سنين طويله رجعت لبنيه لديرتها الاصليه
كانت شاحبه لابسه السواد تلكوها صديقاتها بوسوها وكلولها ها فلانه
شصار بقصتج وية فلان
هية ردت عليهم بقصيده شعريه

ماضل صبر ..
تحاببنه وتواعدنه وحلفلي وكال يخطبني
ووفه
بوعده ..
واجه لاهلي وحجه وياهم وي امي
وطللع للباب شاورني
ماينطوج كال
اهلج ترة وامج تمانعني
رحت لامي وكلت لامي
يايمه ليش ماترضين هو يحبني
ويودني
واحبنه واريد وياه لو للموت ياخذني
مو دلالي التولع بي غير شلون
ياخذني
شدعي عليج
ادعي عليج ان شاء الله بحب اخص مني
رحت يمه ورجعت عليه
وكتله
احبك واحلف بحبك واكول الباري يرحمني
واضللك عروس صباك وبطيفك تهيمني

لاتبعد يابعد الروح لاتكطع الامل عني
اريدنك ترد وتعود النوب من اهلي تخطبني

بلكت تنكسر القلوب وامي تكولي تهني

راحت ايام
وجتي ايام

ورجع ردود من اهلي يخطبني ورجعت ردوود انه الوني
ونين
الماسمعتنه بواجي الليل سلني
حبيبي مات من يومه
عليمن جا تحاجني
مات
وما اخذني وياه
عليمن جا تكلني
شلي بدنياي من بعده
شلي بعمري دفهمني

ويمجن ضل الي مطلب
لو ردتن توافني
انه اريدن لو دناني الموت يم محبوبي
دفنني